芭堤雅泰國餐館

Open Now

Now Closed

餐廳裝潢簡約走泰式渡假風, 枱與枱之間有舒適距離, 坐得幾舒服。𓆹 鮮菠蘿海鮮炒飯 $𝟷𝟷𝟾𓆹 紅咖哩五花腩 $𝟿𝟾𓆹 美國牛肋肉串燒 $𝟾𝟾𓆹 香芒糯米飯 $𝟻𝟾款款食物賣相都好精緻, 紅咖哩五花腩味道香濃而且幾辣, 五花腩肉質軟腍但唔會覺得肥膩, 好好食! 海鮮炒飯用原個菠蘿盛載, 裡面有蝦, 青口, 魷魚, 臘腸, 提子乾同肉鬆等, 炒得好惹味, 而側邊嘅鮮菠蘿亦好鮮甜!牛肋肉串燒粒粒都好厚身, 燒得剛剛好, 食落軟腍有口感! 香芒糯米飯真係必叫項目, 糯米飯煙韌充滿椰香, 面層嘅芒果香甜, 用嚟作結真係好滿足! 𓇊 整體食物質素好好, 坐得好舒服, 係絕對會二訪嘅餐廳!