橘焱胡同燒肉夜食 (Closed)

大名鼎鼎的胡同燒肉早在台北食過，過左江黎到香港依然名不虛傳，無論裝修，店員服務，食物質素都同台灣店有9成以上相似。店員一半以上係台灣人，都保留了每枱都有店員幫燒肉的文化。入座後店員就會提供白/青蔥同檸檬汁用來點燒肉。生食的芥末章魚作為冷盤十分開胃，芥末香而不嗆，生章魚好爽口，越食越停唔到口。牛五花的脂肪比例太靚，網紋的油脂配上烤肉醬，燒到五成熟，真係有入口即溶的幸福感。鹽蔥牛舌外觀好得，肉質無牛五花咁軟滑，反而係爽口鮮甜，配上青蔥味道更香。霜降松阪豬選揀左蒜味，生蒜舖滿面好壯觀，燒完的蒜更香，加上爽脆的豬肉，非常惹味，濃烈到成晚個口都充斥住蒜味。台灣墨魚香腸係特色之選，外貌黑黑灰灰唔太討好，食落口卻香口彈牙，粒粒墨魚混在墨魚膠入面，感覺新奇。海螺睇住佢燒睇住佢彎曲XD, 熱辣辣的海螺片邊脆脆地，鮮甜爽滑扇貝處理得幾乾淨，完全無砂無腥味，唔算特別大隻但鮮味十足，內臟裙邊全部食得仲好爽口燒肉咁濃味需要叫d飯來送下，白飯飯質好靚，堅韌有口感唔洗食軟飯鮭魚茶漬飯可以揀要/唔要芥未，個人覺得要好食d，增加味覺衝擊呀嘛，三文魚新鮮，飯係用左白飯的飯底，清清地，一啖飯一啖肉好舒服蘋果汁似飛機上面飲的