Video
Read full review
2019-07-31
1495 views
暑假喇、去完同學仔屋企gathering , 黃昏六點就喺商場揀左小富臨食早飯，接待員給我介紹餐單，有好多創意點心、招牌燒乳鴿仲做緊優惠，啱曬胃口喔😍😍😍BB乳鴿，色澤光亮嘅golden brown , 肉質嫩滑，醃味合度，唔駛淮盀、唔駛喼汁，原隻開邊食到手指都吮埋，不慚係招牌菜式👍👍👍師奶兵團為咗攞盡優惠，試過乳鴿咁掂，一於點埋限量嘅叫化雞🐔，餐車上像舊水泥一樣嘅叫化雞🐔，雖然唔靚仔，但係揭幕儀式就非常隆重咁😝😝😝店員先交我們一個木槌，每敲一下就道出一句意頭説話，一時之間食客都熱情❤️起來，影相祝福十分高興，一層荷葉、一層錫紙、再封一層泥，店員逐一拆解，倒起雞油，叫化雞終於真身展現，如此排場絕對值得一試👍再說叫化🐔雞 ，集菇菌雞什火腿高溫烤焗，原隻雞油滲透內涵，料頭甘香，雞肉帶點菇味荷香，相得益彰，非常好味👍乳鴿加埋叫化雞，本意加碗白米飯，團友話四碗白飯不如叫個荷花蒸飯試下，加左料蒸嘅米飯不油不膩，食落仲有陣陣荷葉清香，啱曬呢個大熱天時。⭐️⭐️⭐️⭐️⭐️雀籠點心拼盤又係主打之作，小富臨不分早晚，提供多款特色點心，我地未幫襯過，叫個拼盤樣樣試吓，雙天鵝原來係榴酥，酥皮一層層的非常鬆化，軟心係飽
暑假喇、去完同學仔屋企gathering , 黃昏六點就喺商場揀左小富臨食早飯，接待員給我介紹餐單，有好多創意點心、招牌燒乳鴿仲做緊優惠，啱曬胃口喔😍😍😍
BB乳鴿，色澤光亮嘅golden brown , 肉質嫩滑，醃味合度，唔駛淮盀、唔駛喼汁，原隻開邊食到手指都吮埋，不慚係招牌菜式👍👍👍
師奶兵團為咗攞盡優惠，試過乳鴿咁掂，一於點埋限量嘅叫化雞🐔，餐車上像舊水泥一樣嘅叫化雞🐔，雖然唔靚仔，但係揭幕儀式就非常隆重咁😝😝😝
店員先交我們一個木槌，每敲一下就道出一句意頭説話，一時之間食客都熱情❤️起來，影相祝福十分高興，一層荷葉、一層錫紙、再封一層泥，店員逐一拆解，倒起雞油，叫化雞終於真身展現，如此排場絕對值得一試👍
再說叫化🐔雞 ，集菇菌雞什火腿高溫烤焗，原隻雞油滲透內涵，料頭甘香，雞肉帶點菇味荷香，相得益彰，非常好味👍
乳鴿加埋叫化雞，本意加碗白米飯，團友話四碗白飯不如叫個荷花蒸飯試下，加左料蒸嘅米飯不油不膩，食落仲有陣陣荷葉清香，啱曬呢個大熱天時。
⭐️⭐️⭐️⭐️⭐️
雀籠點心拼盤又係主打之作，小富臨不分早晚，提供多款特色點心，我地未幫襯過，叫個拼盤樣樣試吓，雙天鵝原來係榴酥，酥皮一層層的非常鬆化，軟心係飽滿嘅榴槤肉，不單止造型別致，口感味道同樣出色。
旋風奶皇包外層黑金雙間，金黃色嘅奶黃甜度適中，飽魚雞批係西式嘅做法，creamy 白汁配搭鮑魚和雞粒，兩款包點都能在原來嘅基礎上作出變化，非常有誠意🤩🤩🤩
蒸點同様全面提升，燒賣加入迷你鮑魚，野菜餃配合黑松露， 原味蝦餃，鮮蝦菜苗餃絕對係皮薄饀靚， 呢個雀籠拼盤高貴又高質，我地四個人唔只爭食，仲爭住影相，食得好開心喔。
有餸有飯，服務員推介呢碟小貝菜苗，有蜆汁點綴，菜心特別甜美👍👍👍
大雀籠收起，小雀籠包尾😝😝😝，精緻雀仔咁得意可愛，真係好唔捨得食，話雖如此，好奇吖嘛，食過就知道原來係鳯梨酥。呢餐飯食得好充實，牒牒精美又好食，價錢亦唔算貴，我哋以後又多個聚餐點，南昌站小富臨, 真係好正⭐️⭐️⭐️⭐️⭐️
Post
