明乾小館 (Under Renovation)

今日去咗尖沙咀新開嘅餐廳「明乾小館」食午餐，真係好滿足呀！餐廳環境好靚，好舒服，服務好好👍🏻 茶都有好多選擇，我哋叫咗桂花龍井，非常香👍🏻❤️ 我地叫咗兩個午市套餐，配埋湯同時蔬同埋兩個點心，好飽好開心呀！☺️荷香陳皮豉汁蒸白鱔飯真係好香好鮮美👍🏻，鱔身又夠彈牙，令人一口接一口😋 而荷香滋補黃鱔飯一樣滋味濃郁，好開胃呀！啲點心都好好味，特別係黑蒜燒賣，個黑蒜味道好獨特，令到味道更加豐富。❤️ 彩虹蝦餃嘅顏色好靚，蝦肉鮮嫩好滑口，令人食唔停口。至於鴛鴦蝦腸，就係一半普通鮮蝦，一半紅米鮮蝦，味道好平衡，令我意猶未盡。🤤 黑金流沙包嘅流沙味道好濃郁，而且非常流心，正👍🏻XO醬香煎蘿蔔糕好軟，配埋啲XO醬食更加開胃。蘿蔔絲酥餅真係超級正👍🏻👍🏻👍🏻 外脆內軟，滿滿蘿蔔絲，超級好味❤️❤️❤️芒果糯米糍又係必食推介👍🏻😋 充滿芒果肉，非常滿足👍🏻👍🏻👍🏻整體嚟講，「明乾小館」係一間好舒適嘅餐廳，食物質素好好，色香味俱全，令人好享受👍🏻 有機會一定會再嚟❤️