Video
Read full review
2023-01-07
645 views
今日難得約左一班老朋友見面，我地決定試下近日人氣爆登既稻埕飯店😃晚市下餐廳用紫紅射燈點綴中西合璧既裝潢，相當有氣氛👍🏻誠意推薦以下打卡位🤩：1.入正門後一落電梯招牌旁有棵大楓樹2.進入餐廳後右邊的光環酒架🍾🥂3.男女廁之間的落地鏡霓虹燈「挑酒跟挑人是一樣的」環境就滿足左一班鍾意影相打卡朋友仔既願望，食物方面，餐廳主打台式fusion 菜，中西式style 既台灣菜都有，有d淨係睇菜名都覺得好特別，好想試呢晚我地就叫左個4人餐（前菜至甜品其9味）+追加菜式，小妹就將最難忘菜式記錄在此花彫藥膳雞捲花彫酒味好出，雞肉林身索哂酒味又保留雞肉原味皮蛋肉鬆豆腐擺盤精緻，皮蛋豆腐口感清新，配微甜肉鬆+燒汁，做開胃前菜唔錯！金銀蒜泥五花白肉三角形黑色碟令呢味經典川菜馬上變得型格有別於外面食到張滿辣油既蒜泥白肉，廚師將蒜蓉放系青瓜片同五花白肉片之間捲起，將三種味道匯聚一堂，蒜一啲都唔辣，清甜青瓜更減輕白肉油膩感金不換干貝螺頭燉雞湯嘩！又雞又螺頭，仲有滋保紅棗杞子等材料，冬天飲到咁足料既湯，真係暖入心稻埕滷水九孔鮑魚其中一款最期待的台灣名物「九孔」，朋友以為佢係迷你鮑魚，其實佢同鮑魚係親戚，但同科不同種，
今日難得約左一班老朋友見面，我地決定試下近日人氣爆登既稻埕飯店😃
晚市下餐廳用紫紅射燈點綴中西合璧既裝潢，相當有氣氛👍🏻誠意推薦以下打卡位🤩：
1.入正門後一落電梯招牌旁有棵大楓樹
2.進入餐廳後右邊的光環酒架🍾🥂
3.男女廁之間的落地鏡霓虹燈「挑酒跟挑人是一樣的」
環境就滿足左一班鍾意影相打卡朋友仔既願望，食物方面，餐廳主打台式fusion 菜，中西式style 既台灣菜都有，有d淨係睇菜名都覺得好特別，好想試呢晚我地就叫左個4人餐（前菜至甜品其9味）+追加菜式，小妹就將最難忘菜式記錄在此
花彫藥膳雞捲
花彫酒味好出，雞肉林身索哂酒味又保留雞肉原味
皮蛋肉鬆豆腐
擺盤精緻，皮蛋豆腐口感清新，配微甜肉鬆+燒汁，做開胃前菜唔錯！
金銀蒜泥五花白肉
三角形黑色碟令呢味經典川菜馬上變得型格有別於外面食到張滿辣油既蒜泥白肉，廚師將蒜蓉放系青瓜片同五花白肉片之間捲起，將三種味道匯聚一堂，蒜一啲都唔辣，清甜青瓜更減輕白肉油膩感
金不換干貝螺頭燉雞湯
嘩！又雞又螺頭，仲有滋保紅棗杞子等材料，冬天飲到咁足料既湯，真係暖入心
稻埕滷水九孔鮑魚
其中一款最期待的台灣名物「九孔」，朋友以為佢係迷你鮑魚，其實佢同鮑魚係親戚，但同科不同種，九孔係外殼上有好窿（唔止9個）因此命名。
系台灣東北角溫熱帶淺海生長，所以又叫台灣鮑魚
口感食落比一般鮑魚Q彈有咬勁，滷水醃製過後鮮味依然，而且易咬開台灣獨有，真係聞名不如一試
紅槽文旦蔭樹蒸深海大花尾龍躉
台灣人都愛食紅槽魚，因其肉質細緻今晚呢味台式紅槽用左台灣出名既文旦柚製成既醬汁清蒸炮製，甜甜酸酸既柚汁淋上本來無咩味道既紅槽魚身上，perfect match
八斗子炒飯
呢個炒飯唔可以睇小，正中煎到金黃色既虎蝦固然吸睛，原來炒飯料都好有實力，材料包括肉鬆、帶子粒、鵝肉、蟹籽、蟹肉，啖啖鮮味，絕無揸流攤
稻埕台灣烤香腸配墨魚腸
食台灣野唔少得經典台灣烤腸，餐廳細心地將烤腸切成一片片，塊塊都燒到乾身當中墨魚腸最印象深刻，黑色腸身就知佢充滿墨魚汁，口感十分Q彈又唔黐牙，特別又好味
追加 稻埕招牌「鵝不是鴨肉」
菜名咁搞笑🥸其實呢味係滷水獅頭鵝片，油脂香重，滷水汁入味，睇黎真係要問下餐廳大廚既滷水秘訣
一口氣同友人食左咁多台式矜貴菜式，最後由套餐甜品「紅豆沙湯圓」滋潤到最後，為呢餐精緻台式料理畫上滿足、幸福、完美句號
Post
