Häagen-Dazs

Open Now

Now Closed

Haagen-dazs出咗雪糕月餅，咁有同事適逢中秋節就送左一張換領劵俾我，機會難得就試一試🤔拎既時候會包埋一袋乾冰喺盒入面保冷，聽店員講係可以維持到一小時，另加保温袋保温，確保雪糕唔會溶。總共有以下款式各一：-比利時朱古力雪糕月餅-曲奇雲呢拿雪糕月餅-夏威夷果仁雪糕月餅-濃香牛乳雪糕月餅俾我形容既話佢地會係月餅形狀既雪糕，外層用黑朱古力或白朱古力包裹，咁仲算唔算係月餅就見人見智啦😅對我黎講就冇所謂，重點係佢好唔好味😋月餅上面係硬既黑或白朱古力片，外層朱古力薄脆。雪糕部分幼滑香濃，甜度岩岩好👍個人最鍾意係比利時朱古力味，朱古力味道夠重😍但係唔會過甜。雪糕月餅當係飯後甜品算係唔錯既選擇。