為食館

Open Now

Now Closed

返左成日工，收工去到深水埗，想要搵間坐得舒服d餐廳醫下肚。沿路有d餐廳個樣好似睇落都唔差，不過見到無乜客仔，都無乜信心。經過門口見為食館都坐得好full，即刻走入去試一試。一入到去伙記們已經好熱情咁帶位。服務唔錯。埋位個時見到隔離檯小菜既樣都唔錯。見到好多檯都叫左海鮮。一坐低伙記都不斷推介。不過今晚都係想食下小菜先。《脆皮牛仔腩》，好小見到有餐廳有，二話不說要叫黎試下。其實即係類似炸牛腩，可能牛太瘦，所以干左d。美極豆腐就食得多，《美極茄子》真係未試過。食落唔會好鹹，甜甜地，好juicy ，好味😋。食得小菜，通常都會叫返碟雞。今次叫左《蔥油雞》，貪佢有汁可以撈下飯。隻雞唔算肚，蒸到岩岩好，好林好滑。一陣就成碟清曬。