兩公婆私房菜 (Under Renovation)

喺牛頭角Manulife返工的朋友帶我來到呢間“两公婆私房菜”食嘢，最初我以為有私房菜食，來到先知道lunch只有set食，夜晚先至有私房菜，有些少失望之餘，但轉頭諗吓，如果lunch都可以食到私房菜質數嘅嘢，都未嚐唔係一件好事。呢日Lunch set有8樣嘢食，例如有新鲜葱油鹹香黄油雞飯、梅菜扣肉飯、蒸排骨陳村粉和金菇肥牛炆伊麵......朋友和我就點咗榨菜澳洲M9牛肉飯和滑蛋蝦仁飯，榨菜澳州牛的配搭，朋友話唔錯喎，滑蛋蝦仁係普通嘢，但最考功夫，呢次的味道好啱我胃口，蝦仁做晒功夫入晒味，而蛋就唔會過熟，keep住濕滑的口感，非常高質，再配埋D靚靚餐具，同埋露台舒適，寬敞的環境，都好享受。除此之外，每日精選老火湯亦係好吸引，週一至週五日日唔同，有週一的金銀菜猪肺豬骨湯、週二慨黄芪黨参果子黑豆豬骨湯......我哋呢日就飲咗清熱解毒，解風濕骨痛，可舒緩身體疲倦的土茯苓入地老鼠牛大力粉葛猪骨湯，散嗌貴少少，一齊嗌一set就1佰鬆啲蚊，好食抵食。