Video
Read full review
2022-06-01
345 views
ENSŌ (西環)西環新海旁街25號地下5號舖好適合情侶嘅餐廳💑可以望海食飯，夕陽🌇都幾好睇，夜景都相當靚，賞心悅目，食完飯仲可以海旁散步添。環境乾淨企理，擺設別具用心，食物擺盤精緻，好睇，貼心有充電位🔋燒秋葵$28秋葵烤得口感爽脆，唔糊口唔黏，加上有燒烤風味，非常可口。日本絹豆腐$38外皮烤得香香脆脆，內裏嫩滑，清淡可口，再配薑蓉，又另一番風味，薑蓉將烤豆腐嘅味道徹底解放一樣，非常惹味。自家製免治雞肉棒 $54親子組，免治雞肉棒有肉丸一樣嘅質感，雞肉香同燒烤香好match，配以成隻日本雞蛋嘅醬，即時增添濃濃蛋香，勁好味！蒲燒鰻魚$108比起一般鰻魚飯嘅鰻魚，呢度烤得香口啲，鰻魚汁味道温和唔太搶，配合淮鹽更有風味，鰻魚愛好者必食！燒鵝肝$108單係賣相已經100分，入口濃郁嘅鵝肝香，特別係口感，一啲都唔油膩，滿口都係嫩滑嘅鵝肝，入口就化開，烹調得相當出色嘅一道菜！炸薯條黑松露$48高水準薯條，口感香脆，配咗黑松露碎，唔需要再點任何醬料已經足夠好味。明太子飯團$38係炸飯團，外層口感相當香脆，多層好似飯焦，內裏軟熟有淡淡魚子香，好味。凍稻庭烏冬$48冰盤，烏冬無敵彈牙煙靭，配上醬湯、鵪鶉
ENSŌ (西環)
西環新海旁街25號地下5號舖
好適合情侶嘅餐廳💑可以望海食飯，夕陽🌇都幾好睇，夜景都相當靚，賞心悅目，食完飯仲可以海旁散步添。
環境乾淨企理，擺設別具用心，食物擺盤精緻，好睇，貼心有充電位🔋
燒秋葵$28
秋葵烤得口感爽脆，唔糊口唔黏，加上有燒烤風味，非常可口。
日本絹豆腐$38
外皮烤得香香脆脆，內裏嫩滑，清淡可口，再配薑蓉，又另一番風味，薑蓉將烤豆腐嘅味道徹底解放一樣，非常惹味。
自家製免治雞肉棒 $54
親子組，免治雞肉棒有肉丸一樣嘅質感，雞肉香同燒烤香好match，配以成隻日本雞蛋嘅醬，即時增添濃濃蛋香，勁好味！
蒲燒鰻魚$108
比起一般鰻魚飯嘅鰻魚，呢度烤得香口啲，鰻魚汁味道温和唔太搶，配合淮鹽更有風味，鰻魚愛好者必食！
燒鵝肝$108
單係賣相已經100分，入口濃郁嘅鵝肝香，特別係口感，一啲都唔油膩，滿口都係嫩滑嘅鵝肝，入口就化開，烹調得相當出色嘅一道菜！
炸薯條黑松露$48
高水準薯條，口感香脆，配咗黑松露碎，唔需要再點任何醬料已經足夠好味。
明太子飯團$38
係炸飯團，外層口感相當香脆，多層好似飯焦，內裏軟熟有淡淡魚子香，好味。
凍稻庭烏冬$48
冰盤，烏冬無敵彈牙煙靭，配上醬湯、鵪鶉蛋同wasabi，標準日式清淡，味道清新。
忌廉餅$58
香蘇炸物內裏係creamy嘅忌廉蟹肉饀料，點沙律醬味道有衝擊，清甜唔油膩，強烈推介！
紅桑子汁$48
菠蘿汁$48
我哋唔飲酒所以揀果汁，有果味唔太甜，唔飲酒嘅朋友㨂呢度嘅果汁會比飲汽水好。
Post
