原の味 (Closed)

之前途經尖沙咀Naked, 已經想試吓，今晚book 左，見到餐牌有多款選擇，有刺身壽司，有沙律，熱盤主菜，有意粉，更有甜品。我們先點了沙律冰菜帆立貝，賣相已好特別，有水珠響菜面，晶瑩既水珠不禁影多幾張相，其實市面唔係咁多地方有得食冰菜，仲要係時令，要等季節適合才食到，一試難忘既冰菜，口感超爽，味道清甜，可蘸少少胡麻醬，還有明貴既帶子刺身，好黏口，鮮甜，精選壽司八件！放上枱時已垂涎欲滴，有吞拿魚蓉配甜蝦及海膽，賣相好靚，一大件，先嚐海膽夠甘香，甜蝦新鮮；三文魚籽蘿蔔卷，好新穎的配搭，三米魚籽濃味襯埋清爽既白蘿蔔，中和咸味。還有我至愛既左口魚裙邊，炙燒過減少油份，味道香濃；炙燒帆立貝，厚身，鮮甜；深海池魚，彈牙清甜魚鮮味；三文魚壽司同樣大愛；最特別係原本剝皮魚都可做刺身，清新啖味；最尾係吞拿魚壽司。橙薑汁蒜片烤牛排$188 最心動首先係個賣相，紫色既原來係蕃薯薯片，再襯上菊花瓣，未嚐已被賣相吸引住，夾起牛排食下，面層微微焦香，肉質非常稔身，牛肉香味濃，旁邊有香橙加薑汁味，試點上再食，份外清新，更帶出牛排甜味，加埋炸蒜片，為牛排生色不少。海膽藜麥意粉$198藜麥近年被熱選為頭號健康食品，又