留家廚房

Open Now

Now Closed

久不久就心思思要來幫襯留家廚房，因為香港祇有留家廚房做到精緻懷舊點心， 外面好難吃得到。豬潤燒賣 : 蝦餃肉丸上面鋪住兩件大大件嘅黃沙豬潤， 以濃香薑汁酒醃料調味，味道一流，喜歡豬膶的朋友萬勿錯過； 臘腸卷係用鮮鴨膶腸來做餡料，因為即叫即蒸 所以上桌時仍然熱騰騰，鴨膶腸吃得到濃香玫瑰露酒味道，包身亦軟熟富有彈性；懷舊蝦餃 非常有水準，蝦餃薄皮煙韌， 蝦肉筍肉同埋肥豬肉嘅配搭剛剛好，一啖一件；雞粒腸粉是留家廚房懷舊不忘創新的傑作，腸粉皮薄滑溜，配搭雞粒餡料有驚喜 ，好味；最精彩的一環就是濃香芝麻卷 （菲林），真材實料，無懈可擊。