日作食堂

Open Now

Now Closed

成日經過觀塘，行過都對呢間日式飯堂好有興趣，但太匆忙又真係好難黎到座底享受，今晚約到朋友終於可以一嘗芝味。一行到入黎真係冇令人失望，滿滿既復古風，好有舊時代感既擺設，又有啲學校枱凳裝飾，真係好吸引。每張枱都有期待去坐下。佢地主打定食更係唔好錯過，我地點左自家制和牛漢堡伴焦糖洋蔥配月見燒肉汁定食。 黎到個飯冇諗過咁大份。 和牛漢堡好厚身，打爛上面既月見蛋黃一路切落去好精彩。 個飯食黎好焦香，和牛漢堡加埋蛋黃好滑嫩，勁好味。 配埋蜂蜜紅棗茶好養生，滿足既享受。另一個係五目海鮮香濃蕃茄豚肉湯讚岐烏冬定食。 好大隻海蝦，超爽甜。 蕃茄湯好好飲，唔係茄膏開既，好足味。 而且都好多蜆，最正係一粒沙都冇，配埋柚子桂花烏龍茶，好香桂花襯柚子一流。仲有焦糖明太子玉子燒都好有水準。 好厚既燒蛋，軟綿香滑，面頭既焦糖真係一絕。果然呢間日作飯堂真係好正，下次一定要再黎食。