Video
Read full review
2023-08-14
23 views
趁住朋友產子之前相約嚟西九行下、影下相，行完就近搵咗間餐廳坐低食嘢，揀咗故宮入口處嘅下江南。餐廳設計有格調，現代得嚟又結咗中式傳統建築嘅元素，餐牌仲有乾隆下江南嘅典故，同小朋友嚟食仲可以講下故事添。餐廳樓底夠高夠闊落，落地大玻璃夠開陽可以睇到對面海嘅景觀，座位同餐枱亦都好闊落，懷胎八月嘅孕婦都話好舒適。餐牌設計精緻清晰，圖片與實物相符，有套餐與單點選擇。酥油野雞瓜飯+夫妻肺片+醉珍肝醉珍肝其實係雞腎，本身以為係雞肝所以點咗，結果都好食，腎片有酒香味而且好爽脆，孕婦唔食得有酒嘅嘢食，我好開心可以獨佔。夫妻肺片牛腱夠軟糯入味，雖配以辣油其實並唔辣，牛肚都好入味，而且夠軟稔。酥油野雞瓜飯朋友本身想食酥油野雞瓜麵，我手誤點錯咗「飯」，結果好有驚喜，雞汁嘅濃郁雞味同香料味好送飯，松子同菜粒嘅配合相得益彰，每啖飯都食得好多層次，比上海菜飯更好食，但唔覺油膩，雞件啖啖肉，好滑有雞味。山西肉夾饃第一次食山西夾饃，唔知係未正宗味道，餅皮嘅口感同味道都好似手抓餅，口感十分酥脆，即叫即整，拎上手仲熱辣辣，餡料有生菜同有孜然味嘅肉，餡料夠juice十分有風味，整體喜出望外。四喜烤麩+拍青瓜四喜烤麩係上海菜名物
餐牌設計精緻清晰，圖片與實物相符，有套餐與單點選擇。
酥油野雞瓜飯+夫妻肺片+醉珍肝
醉珍肝其實係雞腎，本身以為係雞肝所以點咗，結果都好食，腎片有酒香味而且好爽脆，孕婦唔食得有酒嘅嘢食，我好開心可以獨佔。
夫妻肺片
牛腱夠軟糯入味，雖配以辣油其實並唔辣，牛肚都好入味，而且夠軟稔。
酥油野雞瓜飯
朋友本身想食酥油野雞瓜麵，我手誤點錯咗「飯」，結果好有驚喜，雞汁嘅濃郁雞味同香料味好送飯，松子同菜粒嘅配合相得益彰，每啖飯都食得好多層次，比上海菜飯更好食，但唔覺油膩，雞件啖啖肉，好滑有雞味。
山西肉夾饃
第一次食山西夾饃，唔知係未正宗味道，餅皮嘅口感同味道都好似手抓餅，口感十分酥脆，即叫即整，拎上手仲熱辣辣，餡料有生菜同有孜然味嘅肉，餡料夠juice十分有風味，整體喜出望外。
四喜烤麩+拍青瓜
四喜烤麩係上海菜名物，下江南都做得好好，烤麩好多汁，咸甜適中，好體現到上海菜濃油赤醬嘅特色，輔以木耳荀絲帶出唔同嘅食物口感。青瓜好爽脆，似係即叫即拍。
百香果茶青檸烏龍茶
酸甜嘅百香果同烏龍茶配合得好出色，清幽嘅茶香同果香好清香，好開胃，好適合夏天解暑，行戶外西九行得熱買杯茶外賣飲都好正。
雜果鴛鴦涼粉
大量新鮮水果鋪面，色彩繽紛相當吸引，翻開水果底下有黑色涼粉同透明冰粉，黑色涼粉爽口啲，透明冰粉就煙韌啲，雙色涼粉雙重滋味，消暑之選。
Post
