點心廊 (Closed)

今日係雅蘭中心搵食，見到呢間餐廳門面好高檔咁，掛滿左好多幅水墨畫，好有中國風格。原來係食高檔點心🥧，見到啲相 款款點心都好特別好靚咁，決定入去食下喇！同一般既酒樓飲茶真係好大分別，呢度環境唔會好嘈，播住啲純音樂，令人好享受。而且餐廳裝修得好靚，好高尚，坐得又舒服😌真係幾鐘意呢個設計呀。坐底左職員就問我要咩茶，除左平時飲開個幾款茶之外，竟然仲有得揀 桂花烏龍茶，玫瑰花茶揀，哇！咁正，我就揀左桂花烏龍茶喇🍵又幾好飲，好清香，飲落有桂花既香味，甜甜地剛好中和一下烏龍茶既茶澀味。👍叫左幾款呢度既招牌點心🥧呢度既點心籠係粉紅色架，好靚😍晶瑩筍尖鮮蝦餃🥟大粒又足料，鮮蝦非常之爽口啖啖鮮蝦肉食落好新鮮彈牙！流心鵪鶉蛋燒賣呢款點心第一次食。大大粒燒賣裡面藏左粒鵪鶉蛋😍一咬開蛋黃汁流出，好juicy!呢個配搭又幾襯喎！黃金啤梨鹹水角🍐賣相好趣緻😍啤梨形，炸到金黃香脆，但唔會話好多油，食落好脆而且好多料。好味！XO醬一口蘿蔔糕，鐘意食辣就岩哂！夠哂辣好惹味，XO醬夠哂鹹香，蘿蔔糕煎到好香口感唔會話鬆散，幾好味😌脆皮乳鴿🤤🤤bb乳鴿啲肉夠哂嫩滑。外皮都燒得幾脆身，加埋啲調味醬，肉味更加提升，食到好滋味呀！