Video
Read full review
2024-12-08
569 views
今日同媽咪去旺角嘅MOKO新世紀廣場，揀咗「Amaroni's」呢間意大利餐廳，佢嘅精選午市套餐聽講好正，於是就迫不及待入去試下。我哋點咗蘑菇燒汁肉眼扒配蕃茄意粉，果然冇令我失望！肉眼扒燒得啱啱好，蘑菇燒汁香濃，搭配蕃茄意粉，味道融合得非常好，真係食落好滿足。仲有配蘑菇湯。接著，主廚薄餅就上場，薄餅外脆內軟，配上新鮮沙律，口感極佳，唔會太膩，仲可以清爽一下。我哋另外加咗$28嘅意大利火腿配蜜瓜及啤梨，兩件都好精緻，火腿鹹香，蜜瓜同啤梨嘅清甜配搭得好好，真係一個好開胃嘅前菜。最後，再加$35嘅經典意大利芝士蛋糕，呢個蛋糕滑得嚟好甜，食落去一口接一口，啱晒嗜甜嘅媽咪😼總括來講，Amaroni's嘅午市套餐真係值得一試，無論係食材質素定係味道，全部都好滿意，價錢亦都唔進取，絕對會再返嚟！
我哋點咗蘑菇燒汁肉眼扒配蕃茄意粉，果然冇令我失望！肉眼扒燒得啱啱好，蘑菇燒汁香濃，搭配蕃茄意粉，味道融合得非常好，真係食落好滿足。仲有配蘑菇湯。
接著，主廚薄餅就上場，薄餅外脆內軟，配上新鮮沙律，口感極佳，唔會太膩，仲可以清爽一下。
我哋另外加咗$28嘅意大利火腿配蜜瓜及啤梨，兩件都好精緻，火腿鹹香，蜜瓜同啤梨嘅清甜配搭得好好，真係一個好開胃嘅前菜。
最後，再加$35嘅經典意大利芝士蛋糕，呢個蛋糕滑得嚟好甜，食落去一口接一口，啱晒嗜甜嘅媽咪😼
總括來講，Amaroni's嘅午市套餐真係值得一試，無論係食材質素定係味道，全部都好滿意，價錢亦都唔進取，絕對會再返嚟！
Post
