彩福皇宴 (Closed)

銅鑼灣皇室堡交通方便,   是人氣商場, 店鋪多而集中, 又設有停車場. 適合一家大細, 拍拖 購物吃喝, 今晚和女友看電影, 之前先去 彩福皇宴 晚飯, 門面裝潢甚有特式.  酒樓內地方闊落, 無柱 , 夠氣派.   裝飾帶點溫韾感 - 擺婚宴最合.服務員安排座位迅速, 又遞上餐牌.她介紹今期晚餐精選有多個組合.  我們喜歡 "食家三寶套餐",  有:脆皮燒腩仔送上檯時仍熱, 燒得香, 皮燒得夠脆, 肉質靚有肉味, 半肥瘦. 咸淡適中. 燉湯用瓦盅送到, 燉湯好香好夠熱.   有響螺, 沙參, 玉竹, 雞腳, 瘦肉....香氣迫人, 入口清甜, 湯料另上, 有很多螺頭, 雞腳, 瘦肉, 的確是上乘的煲湯！蒜蓉蒸日本元貝,  四隻每只大元貝佈滿了滿滿的蒜蓉及粉絲, 蒜蓉好香, 元貝蒸得岩岩好, 夠鮮味, 不會韌,  粉絲極柔軟, 撈些蒜蓉同豉油汁入曬味. 飯後甜品, 有凍有熱, 選擇很多.我們點了, 薑汁芝麻湯丸.  一碗四粒 芝麻湯丸好滑, 食感甜潤 , 薑汁有一點點辣, 可驅寒.  食湯丸屬年晚合時佳品. 滋味 !服務員招呼好, 食材不錯.  酒樓環境氣氛都好, 是銅鑼灣區首選中菜