Project B (Closed)

星期二放工同老公黎深水埗諗住買寬頻野，但買唔到，但都要醫左肚先。我地叫左精選二人餐，再加墨西哥香草牛柳絲卷餅同窩夫。是日餐湯係忌廉海鮮湯，有蝦同八爪魚，唔錯。加拿大豬鞍配蜜糖芥末籽汁豬鞍非常厚身，肉質唔會鞋口亦唔韌，肉汁鎖實，同蜜糖芥末籽汁好夾，好好食。配菜有大量好腍既薯仔，羽衣甘藍亦整得好好味。炸軟殼蟹南瓜忌廉意粉軟殼蟹都幾多肉，炸得幾脆，南瓜忌廉意粉好夠味，軟硬適中，美味。墨西哥香草牛柳絲卷餅卷餅包住洋蔥牛柳絲，份量頗多。自家製窩夫拼鮮果雪糕窩夫賣相好得，雪糕係朱古力雪糕，窩夫脆身，唔係厚身，但有四塊甘多。