Video
Read full review
2023-08-03
138 views
🍽🍴🍽🍴🍽 🍴🍣🍣🍣🍣🍣🍴 🍽🍴🍽🍴🍽-廚師發板晚餐價值$2500一位，分六個course (前菜、刺身、和食、壽司、湯同甜品），種類多之餘真係一個高質素嘅體驗，師傅會喺客人面前處理海鮮，成個過程都睇到哂，亦會分享產地來源嘅資料同製作同調味心得，食足兩個半鐘，飽之餘亦好滿足，啱哂慶祝同特別日子去好好享受🤩。😋前菜🥢白梅貝 🆗: 用日式做法製作，用清酒同牛油去煮，非常入味，肉質爽口彈牙 。🥢粒粒豆腐 🆗: 呢度前菜仿效咗傳統京都料理 ，配以炸蒜同芝麻，口感唔錯，豆腐唔會太水太散，調味帶有香濃蒜油味更可以帶出豆腐嘅清新味。🥢高糖蕃茄配靜岡粟米🆗: 製作同調味比較簡單，反而食得到蔬菜嘅清甜味。😋刺身🥢愛媛縣生蠔🆗: 蠔味比較重，配咗桃膠同青檸汁，中和到海水味。🥢北海道赤貝🆗: 為保持新鮮，赤貝會用餐時先開，即開亦會食到刺身有肌肉收縮口感，加咗岩鹽同青檸調味，清新爽口。🥢日本象拔蚌🆗: 肉質比較爽口，甜味突出。🥢網燒野生深海池魚王🆙: 油份豐富，用網燒方法逼到底層油份出嚟，食落更加香口，肉質爽口彈牙。🥢銀雪魚🆙: 呢種魚用嚟做刺身係比較少見，口感煙韌，最尾帶出嘅魚油味好重，配咗日本雪梨可以中和
-
廚師發板晚餐價值$2500一位，分六個course (前菜、刺身、和食、壽司、湯同甜品），種類多之餘真係一個高質素嘅體驗，師傅會喺客人面前處理海鮮，成個過程都睇到哂，亦會分享產地來源嘅資料同製作同調味心得，食足兩個半鐘，飽之餘亦好滿足，啱哂慶祝同特別日子去好好享受🤩。
😋前菜
🥢白梅貝 🆗: 用日式做法製作，用清酒同牛油去煮，非常入味，肉質爽口彈牙 。
🥢粒粒豆腐 🆗: 呢度前菜仿效咗傳統京都料理 ，配以炸蒜同芝麻，口感唔錯，豆腐唔會太水太散，調味帶有香濃蒜油味更可以帶出豆腐嘅清新味。
🥢高糖蕃茄配靜岡粟米🆗: 製作同調味比較簡單，反而食得到蔬菜嘅清甜味。
😋刺身
🥢愛媛縣生蠔🆗: 蠔味比較重，配咗桃膠同青檸汁，中和到海水味。🥢北海道赤貝🆗: 為保持新鮮，赤貝會用餐時先開，即開亦會食到刺身有肌肉收縮口感，加咗岩鹽同青檸調味，清新爽口。
🥢日本象拔蚌🆗: 肉質比較爽口，甜味突出。
🥢網燒野生深海池魚王🆙: 油份豐富，用網燒方法逼到底層油份出嚟，食落更加香口，肉質爽口彈牙。
🥢銀雪魚🆙: 呢種魚用嚟做刺身係比較少見，口感煙韌，最尾帶出嘅魚油味好重，配咗日本雪梨可以中和油份，食落冇咁肥膩，果醬嘅甜味亦可以提鮮。
🥢日本直送鮮劍魚腩🆗: 配咗甜醬漬昆布，昆布味道幾得意。
🥢喜知次🆗: 師傳話呢種魚有蝦嘅彈牙口感，經火炙後油味香濃，整體感覺好鮮甜。
🥢燒榮螺🆗: 用醬油同椒鹽燒香，調味好夾，螺肉都彈牙。
😋和食
🥢金錭🆙: 以半煎炸方式煮，魚肉煎到香亦鎖住到入面嘅油份，外皮炸法真係喺外面冇食過，好脆口似食薯片咁。
😋壽司
🥢石垣貝🆗: 貝類係夏天嘅當造海鮮，而石垣貝係一年得8星期當造，好好彩可以食到，肉質好爽口。
🥢帶子🆗: 好大粒，師傳用咗鹽同青檸調味，清新味道配合返夏天。
🥢石鯛🆗: 配咗脆粒醬令味道更加豐富，魚肉偏淋有嚼口。
🥢富山灣人手拆殼蝦🆗: 聽到人手拆殼仲要每隻都係蝦仔咁細都覺得矜貴，配埋紫蘇花瓣好帶得到蝦嘅鮮甜味。
🥢野生藍鯨吞拿魚腩配馬糞海膽🆗: 師傅話呢個配搭係為唔中意食海膽嘅客人而設，呑拿魚偏爽口，食到海膽味但俾呑拿魚嘅口感遮咗。
🥢牡丹蝦🆙: 燒香蝦腦再加埋加獨門秘方醬汁，令蝦味香濃，令人好難忘，肉質鮮甜。
🥢富美丸海膽🆙: 海膽份量超多，師傅話呢個牌子係海膽中嘅celine, 品質比較穩定🤣。
🥢友禪折大極上海膽🆙: 而呢款係海膽中嘅chanel🤣，食得到係再鮮甜啲而海膽睇落更大粒同完整。冇因為係貴價啲而俾少咗，一樣係海量咁多，好滿足，打卡啱哂。
😋湯
🥢魚湯🆙: 用刺身level 魚頭煲，奶白色嘅魚湯好香濃，每一啖都好暖胃
😋甜品
🥢青森櫻桃配赤肉蜜瓜🆗: 赤肉蜜瓜味道比較清新，而櫻桃係日本嗰隻，入面係黃色肉，亦係平時比較少食嘅食材。
📌 餐廳最近晚市做緊優惠，每$3800 可減$1000, 另外仲有匯豐/恒生/中銀信用卡9折優惠，lunch 亦有 Voucher promotion(用$1000買$1200) ，趁有優惠好快啲去試😋。
📌 餐廳嘅漬物大部份都係用日本蔬菜自己醃製，為求更適合香港人口味，食得出好有心思。
-
🥸評價 𝗥𝗮𝘁𝗶𝗻𝗴𝘀🥸
食物 𝗙𝗼𝗼𝗱 8.5/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 8.5/10
服務 𝗦𝗲𝗿𝘃𝗶𝗰𝗲 8.5/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10
整體 𝗢𝘃𝗲𝗿𝗮𝗹𝗹 8.125/10
-
🍽🍴🍽🍴🍽 🍴🍣🍣🍣🍣🍣🍴 🍽🍴🍽🍴🍽
Post
