和匠日式燒肉店

Open Now

Now Closed

今日去咗佐敦食燒肉，餐廳都紮根佐敦好多年，食物簡單，食材有心思。前菜蕃茄沙律，簡單嘅粟米蕃茄生菜配少少日本嘅酸汁，夠開胃，食肉之前都要食少少菜。點了牛魔再現套餐，有特級美國牛小排，和牛及牛柳粒，上枱見到每種肉嘅雪花都好均勻，紋路清晰！首先食咗個美國牛小排，入口有油香，肉味夠濃。第二種係A4和牛肉眼，一路燒一路見到火光紅紅，油份必晒出嚟，已經非常吸引，唔使燒到全熟表面有焦香，就剛剛好，入口即溶，油肪甘香。最後美國牛角切，慢慢燒熟每個表面，再等一等就可以食得，雖然係角切位置，但係入口都好鬆軟，一啲都唔會韌，而且有我喜歡的肉味，越咀嚼越有味！另外枱面會有些柚子，燒汁 , 胡麻醬，食得太多肉，有時候加點醬汁調下味都不錯！唔夠喉加咗個日本日本阿波尾雞，日本嘅雞肉特別細緻，燒熟之後唔會覺得有躁味。之後嗌咗個大蝦天婦羅，師傅炸嘅時候應該加咗啲天婦羅絲喺面，所以成個蝦入口外皮非常鬆脆，就算點埋酸汁，外皮依然堅挺夠香脆。最後嗌咗個牛肉拉麵，牛肉夠粉嫩，配搬合拉麵湯豬骨湯，又飽肚又好味！