芝麻綠豆甜品屋

Open Now

Now Closed

芝麻綠豆係公司附近好出名既甜品店，基本上同事叫親甜品都係叫呢間，所以都食過好多次，之前食過佢既石磨芝麻糊加湯圓、石磨合桃糊、金銀芋椰汁西米露同埋雪耳杏仁露加湯圓。芝麻糊同合桃糊都係好滑身唔死甜，質地唔稀剛剛好﹔雪耳杏仁露加湯圓都好正，杏仁露都係好滑身唔死甜，雪耳份量好多，食完覺得好補﹔金銀芋椰汁西米露就相對差啲，金銀芋即係蕃薯同芋頭，份量好少，連西米露都少得可憐﹔我今次食既係 " 點指冰冰 " - 即係彩虹蒟蒻冰加芒果 (配椰汁、花奶及芒果汁)啲芒果多到震，切到四四方方，又大粒又甜，蒟蒻都好多好有咬口，係食到尾段糖水比較甜，不過呢個真係好好食同抵食。食過咁多次，我覺得佢糊類既甜品做得比較出色，不過下次都會再試下佢其他甜品。以價錢黎講，其實都真係幾合理，因為佢比其他出左名既甜品店平。外賣最低消費$100，外賣每碗加$1。