暢和麵家 (Closed)

同友人行開西環果頭，見到間餐廳有張貼週刊同埋報章介紹，原來新開嘅餐廳，連招牌都未拆，初初都以為未開始營業。我地問返服務員話開左都未夠一個月，佢地等緊個吉日先開牌。友人俾佢果個豬雜吸引住，而我對佢地既紅棗糕就好有興趣。於是餐廳12點開鋪，我地就入去坐底左啦，餐廳地方唔大，可以坐14個人左右。餐廳廚房係算半開式，會比較大油煙，不過都可以接受。佢個餐牌寫話最出名係馳名醉雞有例牌，半隻，一隻，唔想食咁多就可以淨叫當小食。或者又可以試下花雕醉雞翼（3隻/$20, 5隻/$32）。不過佢地無套餐，都要另外加錢，加粉麵$10或者加撈麵$15，配埋飲品$6/特飲$7，我嗌左杯熱檸賓立。竹昇麵—傳統既竹昇麵要用一邊大腿坐在一條約兩米長的竹筒上，用腳來回不停壓麵團。每一水麵搞半個鐘左右打麵，是一種廣東的手藝，唔係周圍都有得食。我同友人就揀個左個蝦子麵，友人話差d醬油味比較淡。如果有埋薑蔥撈麵就仲正！配一碗湯，湯底清清地，無咩特別，麵都幾有咬口。紅棗糕(1份/$15,1底$60)6吋左右聽服務員介紹，佢地紅棗糕同出面好唔同，紅棗全部去皮、磨皮成茸再蒸，真係好考工夫同心機，廿聽落都覺得要整好內。紅棗糕整出黎個