恒發點心

Open Now

Now Closed

行過幾次，今日就決定一試！店內有好多糕點種類，大菜糕、砵仔糕、紅棗糕，芝麻糕、西米糕、白糖糕，除此之外仲有好多懷舊小食，麥芽餅、花占餅、米通、沙琪瑪。感覺好似去咗媽媽嘅年代！🔸芝麻糕-黑芝麻香味濃郁，不過口感略為偏實少少🔸紅棗糕-棗味清香，微甜👍🏻🔸西米豆沙糕-豆沙唔會太甜，西米豐富，不過椰汁味好重🔸蝦子花生-鬆脆外皮包着花生，少少鹹香👍🏻🔸米通- 脆卜卜，又帶有花生粒香，甜度剛剛好🔸花占餅-兒時小食，少少糖塔配合餅仔，甜而不膩總括🔹部份糕點大概$13-14有3件，小食餅大概$15-30左右一包，價錢公道。如果路過九龍城，又想食d懷舊小食，不妨一試！