糖朝 (Closed)

上次圣誕節前后同朋友去食過山頂果間糖朝，佢一直話果度D粥好好食，想去食多次，咁近近地就同佢去尖沙咀分店喇，老字號嘅店好似間間都要等位，成日都咁多人排隊嘅，環境都系同山頂果間差唔多唔，唔系好大。蝦餃睇個樣就唔錯，皮薄餡靚，好大只鮮蝦，好彈牙又新鮮，味道都算唔錯，出品都算OK。油雞同叉燒拼盤，個人覺得油雞好食過叉燒，叉燒太干身，味道有D咸，油雞好滑，肉質結實，又夠入味，性價比幾高。一品粥好足料，有雞絲瘦肉，皮蛋同丸子，品種多，量又大，而且料好新鮮，粥煲得時間足夠，米全部都煲爛，好綿滑，加上肉絲所以好清甜，好香滑。比較有驚艷嘅感覺，價格小貴，但你食完后就會覺得超值喇，因為真系好好味。