杏花樓甜品 (Closed)

食完飯行左一陣, 不如食埋糖水, 不過附近又唔係好多選擇, 未試過呢間就試一試吧紅假夜晚9點幾唔多人既糖水店, 入到去坐係圓檯, 望個餐牌竟然係set dinner?? 有d搞笑...見旁邊卡座有人走, 轉檯後落單, 點左西瓜汁, 雙皮奶, 芒果布甸西瓜汁夠凍, 而且好多西瓜肉, 感覺唔似加好多糖水個種, 唔錯 雙皮奶好滑, 而且奶味重, 我叫凍既, 好好食! 芒果布甸無食到, 不過男友話都ok唯一搞笑係服務...我地話想要2杯水, 希望唔係熱水, 一位較年長既店員話幫我地加冰落去, 都好呀不過等了又等, 2杯水都要等咁耐既...於是我地又問另一位較年輕既店員, 佢見到我揮手, 竟然原地企係收銀處唔係行過黎! 你唔係想我隔住人地張檯嗌過去下化... 我唔會嗌的, 等佢行到過黎, 佢個樣都唔太情願咁, 我地話想要2杯唔熱既水, 佢竟然話得熱咋喎...灰晒.... 最後好彩個較年長既店員出現番, 我地先有2杯加左冰既熱水...