聰嫂星級甜品 (Closed)

咁出名既聰嫂一定要黎食！之前一路都諗緊聰嫂同聰少有咩分別，問過先知原來都係同一間公司，不過聰少係聰嫂既新品牌，行唔同風格，新品牌係年輕人路線，成個感覺都young d，得閒都可以換個感覺試下，但食開聰嫂，當然改唔到啦！椰汁西米露怕甜既我感覺都尚可接受，椰汁味多，西米好易煮到一塊塊，或者中間唔熟，咁當然佢地就無呢個問題啦！但可以減少許甜味，咁就perfect ！芒果冰見好多人黎食龍眼冰，但今次就想試下佢個芒果味，估唔到有新發現，或者係佢冰類都特別好食，唔會有甜味覆蓋，芒果同冰既配合剛剛好，又唔會化淡左啲味感。