西關老祖 (文苑樓)

Open Now

Now Closed

有時去到糧尾想食平啲，其實都可以食得好豐富。佐敦呢間小店主打外賣狗仔粉，大件夾抵食。入面有香菇片、自家製嘅西關瀨粉、辣菜脯同埋勁多蔥，有少少似狗仔粉，一樣咁惹味，唔使$20一份，有時都係一個速食嘅好選擇。但菜脯食落有啲辣，要買定豆漿先至得。另外叫咗一份XO醬炒腸粉，唔係間間小店有得食，XO醬俾得多，有蝦米嘅鹹香，食落唔太油。另外黑毛豬炸糭好有驚喜，好似一般舊式粥舖先至會有，冇諗過呢間小店都會有。個外皮炸得好脆，入邊糯米同埋餡料好多好軟糯。除咗佐敦分店仲有葵廣分店，以後掃街就多一個選擇。