權記雲吞麵

Open Now

Now Closed

突然要返幾天上環，今日更提早放飯。 得一個人又人生路不熟，真係是是旦旦四圍行下睇下。 行行下遠遠見到個紅色大招牌，紅底黃字再加上舊式麵檔格局，一睇就知必係我今天午餐首選。 入到去又係幾張大檯簡簡單單，不過麵選擇真的不簡單。 有傳統雲吞丶水餃及各類丸丸，更有鯪魚球及鮮味牛肉。 價錢方面真的冇得輸，保留著街坊人情味價。 叫了碗只收$20雲吞麵，有4粒大雲吞，餡料真材實料好好味。 一到中午就開始不斷入人，好在今日早食才不用等位。