蛇王祖萍記豆品小食

Open Now

Now Closed

次次食完腸粉都要嚟萍記買返支豆漿，對我嚟講，腸粉加佢嘅豆漿係一個套餐🤣🤣，腸粉加豆漿，大滿足。其實萍記佢嘅豆腐花都唔錯㗎，幾香幾滑，不過今日飽咗就冇食喇。買咗支豆漿 $9同芒果糯米糍$14。豆漿有豆味，甜度又啱啱好，唔會冇味飲水咁。另外佢出晒名嘅係芒果糯米糍，見過好多次排晒隊，即場包。食糯米糍最怕個皮勁厚舊芒果細細舊，食極都食唔到舊芒果，呢度相反。個皮勁薄，薄到覺得舊芒果要穿出嚟😂😂😂萍記其他糖水都有食過，都唔差㗎，有機會大家都可以試下。