川粵米線大王 (Closed)

由於之前返兼職係紅磡嘅關係，成日都會同同事嚟食呢度嘅酸辣米線，個個同事都鍾意食辣，哈哈。我哋最鍾意叫口水雞米線餐，走芽菜，加凍檸茶，愈食得多辣就越食得辣，本身只係食小辣》中辣〉今次就係食大辣！值得紀念，其實中辣比大辣味道更好，食到佢嘅鹹味，唔係一味只有辣食唔到其他味，佢係辣得非常過癮👅佢嘅口水雞都好好食，但係就份量勁少，只有兩三舊，仲要成日都俾埋啲唔知咩部位，好多骨好少肉，10次先有一次係雞髀位勁黑仔，非常唔夠食，同埋切得好碎。不過佢價錢真係幾抵㗎！