天池日式放題 (Closed)

同太座談戀愛10週年紀念，好耐冇去旺角油麻地，趁風平浪靜帶埋比卡豬去行吓女人街，當然唔少得買玩具啦!行到肚餓又搵嘢食，見到呢間有放題食，都好耐冇食過就行上去試吓!侍應問加唔加88蚊升級食好D，我呢條皇帝脷當然唔會孤寒!呢度食物種類都幾豐富，刺身我推介珍寶阿根廷赤蝦、帶子、馬刀貝，特別係後者出面較少地方食到!海膽芝士醬叉燒沾麵，第一次食沾麵，感覺唔錯，同拉麵係唔同食法!燒牛舌，牛舌較厚有咬口，肉汁夠!鰻魚炒飯係比卡豬全晚食得最多嘅食物，可想而知有幾好味啦!香蒜大蔥牛柳粒絕對有驚喜，牛粒非常腍入味，安哥再安哥!最估唔到嘅係呢度嘅雪糕，名不經傳但款式多入口軟滑，甜度適中，不妨一試!放題係好多款食物但永遠一次係食唔齊，下次我會再返嚟挑戰!