Bochord

約咗好友為她慶生。之前見到好多post 見到裝修好靚，所以想試吓。約咗星期五晚上，一行入到餐廳，嘩好有氣氛喎，有樂隊，有維港夜景，有浪漫嘅燈光。食物方面，有tasting Menu 或 a la carte。我哋今晚選擇咗tasting, 總共有八道菜。 每一道菜都非常之精緻。個人最喜歡French morel and fish maw。 係有少少炭火燒過嘅花膠，配上羊肚菌同松露，加雞湯做芡汁。花膠做得軟硬適中，因為碳燒過所以味道香口，唔同平日食中式做法。加埋羊肚菌和松露味道都好夾。餐廳7:30至到10:30會有樂隊唱歌。個人覺得佢哋嘅音量做得幾好，因為唔會太大聲影響到同朋友傾偈。如果你係慶祝生日或者周年紀念嘅話歌手仲會行到埋嚟同你唱生日歌或者情歌，而且會邀請埋朋友唱歌俾生日嗰個或者男女朋友聽。之後餐廳職員會幫你影一張即影即有相。整體嘅用餐經驗唔錯，侍應亦都好耐心咁樣講解每一度數包含咗啲乜嘢。 唯獨是個人覺得杯裝嘅酒選擇唔多，如果你一班人去剩係得一二個人飲酒嘅話咁選擇就會比較少啲