來佬餐館 (Closed)

星期六晚友人介紹左一間環境清靜，好舒適嘅環境食飯，一入去見到燈光暗暗地，感覺好有格調及懷舊，座位舒服，絕對係傾計談心好去處。食物方面，先嚟幾個前菜，最鍾意食係香草芝士焗蠔同蟹粉蟹籽一口酥，因為本人係蠔同芝士控，加上個味道烹調得恰到好處，好味，而蟹粉蟹籽一口酥，不但香脆，伴隨著蟹粉蟹籽，更覺有層次。另外黑松露野菌湯更加有驚喜，味道不但夠濃，配上大量磨菇，令人想一飲再飲。最後主菜揀左牛肝菌烤羊架，羊架烤得剛剛好，不會太生，又不會太老，肉質嫩滑，又保留到牛肝菌本身味道，抵讚。而配菜有薯仔蕃茄仔，法豆，燒蒜，睇得出個廚師好有心思。食完這個其實已經好飽，之後再食埋個甜品西米奶凍配芒果雪糕，真係好滿足。客人食飯最緊要食得開心，滿足，這間食物質素吾錯，下次我都會再來幫襯。