紅堂 (Closed)

估唔到食物、店名、環境可以配合至極，佈置得紅噹噹的紅堂，主打招牌辣鍋，正宗四川師傅祕方炮製，又真係幾好味，我們揀咗二度的辣道，香多於辣，剛好為食物提味，又唔會嘴巴麻木，中午食火鍋，變得冇問題。尤其是現在午餐抵食，$148/位很夠食，首先有鴛鴦鍋，已經包括清油養生麻辣鍋及火腿花膠魚肚雞湯鍋。魚肚大大件，湯濃非常甜。枱上面仲有兩支自製的調味汁，花椒汁及紅辣椒汁各一支，必試，因為真是調得好，同埋好似紅藥水樽咁有啲懷舊感覺幾好玩。午市火鍋包括很多食物，重點西班牙伊比利亞黑豚梅肉及美國牛肩胛肉，切得幼薄，心急人灼幾吓食得，吸了麻辣湯汁真是超正！雞肉都滑。三款餃可以一次過試，墨魚松露丸、雲吞、麻辣和牛餃，講真混在一齊煮，食得快真係唔覺分別好大，只知幾好食。炸魚皮非常好，厚厚實實地有口感，非常脆，灼麻辣湯極正。我哋大食，追加了伊比利霜降肉花及蒜泥白肉水晶包。霜降肉很嫩。蒜泥白肉水晶包用乾冰伴著，噴好多煙好矜貴的賣相，水晶皮未熟，所以仲需要長兩三分鐘，見到變了色食得，肉味香。最後仲有冰粉，有助解辣，再飲埋烏梅汁，完美結束。