夢の丼 (Closed)

炎之丼即使食唔到生冷野，其實可enjoy到好東西嘅。蟹膏豆腐都係第一次食，感覺都幾柔軟，雖蟹味唔係太重。花錦魚生丼幾值得讚嘅丼。第一次見有櫻花蝦作拌飯中的「飯素」，可以講係幾創新，第一次見。但係係軟綿嘅飯之中有碎碎嘅口感真係幾得意，令人食完想食；就係雪糕中加入Oreo一樣咁正。除咗正常嘅角切魚生粒，仲有小蜆仔、玉子丁粒。Overall魚生丼用赤醋飯做飯底，感覺幾新鮮，丼果然係招牌菜。磯燒帆立貝炭燒味道都幾香濃，吾知係咪真係咪炭火燒。再包住紫菜係enrich咗個口感嘅。但紫菜就唔係最脆嘅。柔煮鮑魚柔煮就真係煮到幾soft，味道唔係太濃烈，上面就算加咗鮑魚嘅肝臟做嘅醬料，都仲係柔軟清甜果種Style.左口魚邊壽司火灸燒完就完全迫出魚本身嘅油脂，就算吾加豉油都夠哂rich.深海池魚刺身厚切都一個點，比起硬幣🪙嘅闊度更加厚。雖然佢唔係油脂取勝，而係新鮮清甜嘅路線。魴鮄魚純粹聽到個名就想試下。顏色色澤都幾似池魚，不過，配搭就係加埋酸辣嘅汁醬，感覺就有啲吾同。應該蛋白質就多啲，咬落硬少少。