Video
Read full review
2021-04-10
1911 views
復活節假期嘅最後一個紅日理智叫我喺返工前嘅假期睇吓大自然放鬆神經但作為紅日 大尾篤踩單車嘅人係極端地多揸車入到去 等個車位都用左半個鐘到餐廳就再發現好多客人嘅車會直接泊喺門口所以佢個正門係比好多野遮住側門更加係唔顯眼( ´▽｀)餐廳室內同室外嘅佔地都好多但紅日周圍都係人 所以黎到都要等等員工執枱郊外又室外 都係pet friendly 嘅餐廳動物坐嘅櫈同客人嘅櫈係有分別嘅人地嘅狗仔好乖好乖( ´▽｀)應該都係出開黎食飯 冇平時小朋友嘅雀躍門口有張menu 平時見人地嘅食評應該就係base on張藍色menu 多數都係食夜晚但我地食lunch 又有平啲嘅選擇緊係試下天氣好 坐室外都係舒服嘅坐正餐廳最靠外嘅枱 但個距離都係做得ok嘅 唔會話比啲樹枝樹葉整到Set枱嘅方法有啲簡單粗暴 冇整整齊齊咁放好餐具但都睇到係將叉擺最左 羹放最右有隻反轉嘅碟 要落油同醋就拎黎用本身以為都係少少高檔嘅餐廳但午市應該都係行平民嘅路線而落單嘅姐姐可能忙得滯所以顯得有啲暴躁( ´▽｀)餐入面包就一定係跟埋嘅 另外再選配湯或沙律咁我地三個人 就每人一個湯再share 沙律湯同沙律都冇抺碗/碟邊睇OpenRice
理智叫我喺返工前嘅假期睇吓大自然放鬆神經
但作為紅日 大尾篤踩單車嘅人係極端地多
揸車入到去 等個車位都用左半個鐘
到餐廳就再發現好多客人嘅車會直接泊喺門口
所以佢個正門係比好多野遮住
側門更加係唔顯眼( ´▽｀)
餐廳室內同室外嘅佔地都好多
但紅日周圍都係人 所以黎到都要等等員工執枱
郊外又室外 都係pet friendly 嘅餐廳
動物坐嘅櫈同客人嘅櫈係有分別嘅
人地嘅狗仔好乖好乖( ´▽｀)
應該都係出開黎食飯 冇平時小朋友嘅雀躍
門口有張menu 平時見人地嘅食評
應該就係base on張藍色menu 多數都係食夜晚
但我地食lunch 又有平啲嘅選擇緊係試下
天氣好 坐室外都係舒服嘅
坐正餐廳最靠外嘅枱
但個距離都係做得ok嘅
唔會話比啲樹枝樹葉整到
Set枱嘅方法有啲簡單粗暴 冇整整齊齊咁放好餐具
但都睇到係將叉擺最左 羹放最右
有隻反轉嘅碟 要落油同醋就拎黎用
本身以為都係少少高檔嘅餐廳
但午市應該都係行平民嘅路線
而落單嘅姐姐可能忙得滯所以顯得有啲暴躁( ´▽｀)
餐入面包就一定係跟埋嘅 另外再選配湯或沙律
咁我地三個人 就每人一個湯再share 沙律
湯同沙律都冇抺碗/碟邊
睇OpenRice 見到價格個range 會有啲意外嘅
有種不修邊幅嘅感覺( ´▽｀)
不過我地都係食平民價嘅lunch
包唔係一般餐包或者法包
餐包個心係偏黃色 表面又有啲香草同莓類之類？
所以帶dd 酸同香 前菜黎講係幾開胃嘅
係真係幾好食嘅 不過真係食唔出係咩
本身食個味已經幾好 所以冇再落油同醋
沙律係落醋唔係沙律醬
份量 一個人前菜黎講都算多
不過因為冇share plate嘅關係 沙律就冇乜點食
English Breakfast
$98
28 views
0 likes
0 comments
朋友選擇嘅all day breakfast
落單嗰陣佢嗌煎熟蛋
店員話只得炒蛋同太陽蛋
呢個我又有啲意外 不過既然唔係炒滑蛋
就滿足到唔食生野嘅要求
Beacon 有烤過嘅紋絡
我個人覺得咁樣個視覺觀感係好啲
睇落唔算full 咁我地再叫多pizza share都啱嘅
招牌薄餅
$78
41 views
0 likes
0 comments
Menu上冇寫pizza 嘅配料
所以我以為會係margherita
點知原來都好多料 仲有菠蘿
Plain有plain好 料多都有料多好嘅 開左四份
由底數上係手製薄批 一層茄醬 芝士 芝士
配料係三色椒 菠蘿 火腿 pepperoni 紫洋蔥 肉粒
呢個個性價比就真係非常高啦。。
啲料多到瀉 係真係好食嘅 叫招牌都冇錯
唔算酸 就算有菠蘿都係一個鹹味pizza黎
批係自家製 薄薄一片 冇刻意去處理批邊
拎起似食脆餅 好食嘅係！
香煎豬扒配芥末籽忌廉汁
$78
41 views
0 likes
0 comments
我自己嗌就嗌左豬扒 跟薯菜
薯菜係翠肉瓜粟米同粗薯條
薯條唔脆都唔算好熱 應該就唔係即炸嫁啦
粟米都有落鑊處理 所以全部都係熱香左
茄汁係一枝上 要幾多就自己唧
個汁份量好足 芥末籽個量都明顯
個忌廉汁又幾好味喎
但就算加熱左 啲芥末籽都冇變辣 都咬唔到
豬扒 肉同肥都有 比例都唔錯
尚算厚切 每啖都滿足嘅
整得都好鬆軟 有少少咬口但都容易切開嘅
味道上都係唔錯
咦原來我遮左total 銀碼 total 279
其實都真係好抵食
每一個餐已包括湯/沙 包 main course 餐飲
我地有叫兩杯凍檸茶 冇額外收錢
不理解嘅係all day breakfast 值98嗰陣
Pizza同豬扒值78
不過真係有加一都係超值。。
Service真係0 可能真係好忙
帶住口罩都feel到個樣躁( ´▽｀)
總結黎講
味道好 環境好 價錢好 坐得好舒服
Lunch係行大眾休閑路線 唔係行高檔路線
Details上 碟好輕 擺枱冇講究 碟邊碗邊冇抹
Post
