怡翠軒 (Closed)

去得多傳統茶樓都想有時奢侈一下，去啲高級地方，復活節假期同個朋友去中環行街同食野，去左怡和呢間怡翠軒。茶有好多款揀，對黑茶情有獨鐘既我地都係飲返傳統普洱。XO醬炒蘿蔔糕個味好好，好惹味，但係蘿蔔糕就唔夠挺身，好粉。配菜小辣。高級版春卷加咗蟹子同鵝肝，老實講鵝肝個味唔係太出，但係成條春卷都好彈牙，咬到蝦肉。鹹水角好少可有菇，但係呢個餡料幾特別，有蝦、蝦米、菇蓉，鹹水角皮都好煙韌 ，唔會太油👍🏻呢件馬拉糕完全係好似海綿蛋糕咁，唔太鬆化。雞扎好味，非常標準，冇乜太特別鮮竹卷調味有啲重，令到本身大量唐芹咁重口味嘅鮮竹卷口感更複雜。