麵屋丸京

Open Now

Now Closed

屋企人入咗醫院心情唔係太好，基本上係冇胃口想食飯，就散步行到虹橋大概15分鐘左右，本來想去好多人都吹捧嘅奇蹟拉麵，眼見格局同埋要排隊，感覺在外用餐都係想感受客戶體驗，結果就嚟咗呢一間價錢比較貴啲嘅拉麵店，時間係星期五嘅晏晝6:30左右，唔使排隊，店舖相對大啲，坐嘅位置亦都比較寬敞。即刻上OpenRice睇吓多人點嘅係乜嘢，其實本身都冇乜心情去仔細研究就揀咗一個$100嘅拉麵，碗麵嚟到嘅時候真係嘩咗一聲，冇諗過咁靚仔，尼一碗應該有一半係真叉燒（有少少燶邊嗰啲），店員介紹嘅時候話爭叉燒係慢煮嘅，所以食落口會比較嫩滑。另外店員都有介紹枱上面嘅調味料，由右至左，醋，胡椒蒜粉，豆瓣醬，生蒜。我自己就覺得佢啲溫泉蛋仲好食：另外佢有其他市區分店，不過通常都會有好多人去排隊，能夠喺屯門食到咁多喺市區都要排隊嘅小店，係屯門人嘅幸福。