谷芋 (Closed)

紅磡區飲珍珠奶茶又多個選擇！呢間茶飲店喺裝修方面都落過下心思，全店都係主打粉紅色！仲有夾公仔機😂😂今次特色係芋頭飲品😍，見佢新出咗幾款嘢飲，我揀咗其中一款新出嘅----芋霸布能 (下圖右邊)見佢有豆花同珍珠，珍珠黃黃地色，偏向軟身啲，我好鍾意呢種口感！不過飲之前一定要攪勻啲芋泥先﹐咁先可以啖啖都飲到芋頭！朋友嗌咗芋泥櫻櫻西米露，佢一開頭就係無攪鬆中間層芋泥，所以啜實咗支飲管😂🤣，不過老闆都好好人，知道咗個問題就同我地講會改良下，製作芋泥時加多啲奶咁就會滑啲！總括而言，我覺得哩杯芋泥珍奶可以用濃郁香醇嚟形容，可能因為我真係好鍾意芋頭，一定會成日嚟飲，支持年輕人創業，支持下小店😁