印尼沙爹屋 (Closed)

一直都想試下呢間印尼小店，今日終於的起心肝走過去。呢間位於紅磡既印尼小店主打外賣，舖面只有一張小圓枱。我今次見左個外賣: 巴東牛肉飯，百香果奶昔沙冰。雖然主打既應該係沙嗲串燒，不過今次食唔到咁多，留番下次。巴東牛肉飯有分大/細，就係在於3舊牛肉同兩舊既分別。而我就揀左大。一打開盒飯，三舊巴東牛肉同埋啲汁好香，配埋黃飯，花生，魚干同條菜，色，香已經有，巴東牛肉佢地揀既係厚身牛，啖啖肉好正，汁同黃飯都好夾，味道好好，唔知算唔算係太遲黎呢最後係連餐加錢換既百香果奶昔沙冰，佢係偏向流質，唔會話飲到最尾重有成舊冰係冰，佢地連百香果既籽都有，可見誠意滿分，而唔係就咁用糖漿去開。下次要試埋串燒先得!