Hidden Table (Closed)

之前呢間店嘅燒賣放題已經好出名，不過嗰排都搵唔到機會試，咁啱行過紅磡又未到食飯時間就同朋友各點左一份試下，嗌左奶油麻辣燒賣同日式章魚燒炸燒賣。奶油麻辣燒賣：燒賣上面嘅奶油和麻辣絲（？）意外地都幾夾，雖然叫麻辣但又唔係好辣，係川味嗰隻辣。奶油都kind of 減低左辣度，平時食開譚仔十小都可以試一試。日式章魚燒炸燒賣：燒賣炸到外皮酥脆，但又唔會過硬，加上章魚燒嘅醬同木魚碎又幾好食🤤如果你鐘意食章魚小丸子，呢個一定值得一試。間店嘅燒賣都彈牙，雖然價錢比普通燒賣貴，但勝在味道特别，行過都可以一試。