Video
Read full review
2022-10-17
70 views
📌 貴緣小鍋米線 - 紅磡崇潔街20號地舖🗓(17/10) 星期一 ⏰ 晚上6:30左右 💈特式：紅磡祟潔美食街就一向出名係區內多美食同特式小店，最近見米線關注組好多人提及呢間，咁作為紅磡人，無理由唔去幫大家親身試一試。🥩🍔🌭🌮🥗🥯🥘🍲🍝🍣🥟🍤🍱食物：佢地湯底有5款可以選擇，包括酸辣/麻辣/蕃茄/豬骨/青花椒，除左豬骨外，每款都可以再自選辣度，彈性都幾大；自選餸亦都有4~50款可以揀，另外落單時亦可自選轉芽菜底/少麵/加底，同埋要唔要酸菜/韭菜/芽菜/蔥等，可因應自己喜好揀一碗啱自己口味嘅米線；除此，佢仲有多款小食都見有人大力推介，等我又同大家講下味道先......自選組合米線 - 今次一行3人去食，但因為想試多少少佢地d小食，所以只叫左2碗share; 叫左1碗酸辣湯轉芽菜底配炸響鈴/雞肉絲/韭菜/滷水豬肚，另1碗就蕃茄湯配紅薯粉配雞肉絲/秘製腩肉/豬軟骨/滷水雞翼；蕃茄湯底真係好好味，成碗湯飲到清晒，配料方面，滷水雞翼好入味好淋滑，雞肉絲好多份量，炸響鈴好脆口，豬軟骨真係好淋好入味，秘製腩肉就係店舖推介，真係好惹味。小食 - 其實見到店內好多小食都好有特式同吸引，但奈
🗓(17/10) 星期一 ⏰ 晚上6:30左右
💈特式：紅磡祟潔美食街就一向出名係區內多美食同特式小店，最近見米線關注組好多人提及呢間，咁作為紅磡人，無理由唔去幫大家親身試一試。
🥩🍔🌭🌮🥗🥯🥘🍲🍝🍣🥟🍤🍱
食物：佢地湯底有5款可以選擇，包括酸辣/麻辣/蕃茄/豬骨/青花椒，除左豬骨外，每款都可以再自選辣度，彈性都幾大；自選餸亦都有4~50款可以揀，另外落單時亦可自選轉芽菜底/少麵/加底，同埋要唔要酸菜/韭菜/芽菜/蔥等，可因應自己喜好揀一碗啱自己口味嘅米線；除此，佢仲有多款小食都見有人大力推介，等我又同大家講下味道先......
自選組合米線 - 今次一行3人去食，但因為想試多少少佢地d小食，所以只叫左2碗share; 叫左1碗酸辣湯轉芽菜底配炸響鈴/雞肉絲/韭菜/滷水豬肚，另1碗就蕃茄湯配紅薯粉配雞肉絲/秘製腩肉/豬軟骨/滷水雞翼；蕃茄湯底真係好好味，成碗湯飲到清晒，配料方面，滷水雞翼好入味好淋滑，雞肉絲好多份量，炸響鈴好脆口，豬軟骨真係好淋好入味，秘製腩肉就係店舖推介，真係好惹味。
小食 - 其實見到店內好多小食都好有特式同吸引，但奈何胃只有一個，所以今次就叫左孜然涼皮粉同蒜泥白肉嚟試下；涼皮粉係好爽口好有咬口嘅豬皮，加埋我鐘意嘅孜然粉，小食嚟講真係一流。蒜泥白肉我覺得仲好食過譚仔，而且佢選用帶軟骨嘅腩片，更加好食吸引。
☕️🍵🥤🧋🍺🍷🥃🍹🧉🍾🍶🥛
飲品 - 飲品佢地有豆漿同普通罐裝汽水，無乜特別。
🍽環境：餐廳環境裝修上就比較簡單平實，總結就係普通嘅一間米線舖，但勝左乾淨整潔。
🤵🏻🤵🏻♀️🤵🏻♂️服務：店員服務態度好好，全店店面員工唔算多，都係小店經營，佢地落單除左可以同店員講，外賣/堂食都可以用QR Code落單，都十分方便，介面都好清晰同易用。
💰💸價錢：今日叫左2碗4餸嘅米線，2個小食同飲品，埋單都只係$200左右，3個人平均每人都係$70，呢個價錢食到呢個質素，一定係抵食夾大件。
🐲💬總結：我見呢間米線平時lunch時間通常都爆場，夜晚亦有好多人買外賣，如果唔係質素有返咁上下都唔會有咁多人支持，我覺得佢價錢抵，質素又唔錯，推介大家可以嚟試下，起碼唔洗成日食嚟食去都係譚仔先。
推薦指數：❤️❤️❤️❤️❤️
四餸芽菜底
1 views
0 likes
0 comments
四餸紅薯粉
0 views
0 likes
0 comments
孜然涼皮粉
$27
10 views
0 likes
0 comments
蒜泥白肉
$27
1 views
0 likes
0 comments
Post
