貴緣小鍋米線 (崇潔街) (Closed)

貴緣小鍋米線 • 紅磡紅磡呢間米線雖然其貌不揚，但聽朋友介紹話佢嘅米線質素絕對唔輸坊間一啲有名氣嘅小鍋米線，所以今日決定試一試。米線湯底同配料大致同其他鋪頭一樣，但佢仲有好多款川式小食可以選擇。老闆娘服務好好，抵讚👍🏼..✅ 招牌酸辣湯米線(大辣) 配 豬軟骨、秘製腩肉、肥牛 🍜 $61酸辣湯酸酸地帶少少辣，特別提一提，呢間鋪頭嘅酸辣湯唔會太辣，因為想客人都想飲到佢地每鍋精心烹煮嘅湯底。豬軟骨好稔滑好入味，筋位入口即溶；腩肉同樣入味，而且份量幾多；肥牛都好肥美，不過略嫌有少少碎，如果大片少少就好喇😋..✅ 特滾新鮮蕃茄湯紅薯粉 配 貢丸、枝竹、響鈴 🍜 $59蕃茄湯幾香濃，而且帶有少少茄蓉嘅質感。貢丸正常。特別揀左枝竹同響鈴呢2款材料，索曬湯汁，食餸嘅同時同樣飲到曬嘅湯汁。👍🏼..✅ 蒜泥白肉 🐷 $27腩肉非常薄切，晶瑩剔透。辣油加入大量蒜泥，好香好惹味，而且唔算太辣，反而麻香味十足😝..✅ 貴緣雞絲火山 🐔 $27雞絲火山好多，堆成一座小山咁。辣油另外用碗盛載，可隨個人喜好落幾多都得。辣油加入好多蒜泥，好香😛