Burger Factory (Closed)

身為burger控嘅我，一直都好想食呢間喺紅磡嘅burger小店。(其實呢間店係近黃埔站多啲)望住十款🍔選擇，真係唔知揀咩好🙈唔少款都係平時唔太常見嘅，例如菠蘿炸蝦堡、鰻魚流心奄列漢堡、聲稱有18層地獄辣醬嘅地獄漢堡等等。然後我最後揀嘅泰式青檸烤豬堡都算平時少見嘅burger款式。burger中夾住嘅應該係一舊舊豬柳肉片，肉嘅份量都足夠。醬汁青檸味不重，食落似沙津醬啲friend😛漢堡包面同底都有烘過，包底嗰塊更加係烘得脆到有啲似好鬆脆嘅餅乾😛整體價錢不算貴，都會想試吓其他款嘅🍔😝PS 小店有一小張長枱俾客人喺到堂食，或者可以好似我咁外賣去附近food court食㗎。