Video
Read full review
2021-12-05
441 views
身邊朋友都好喜歡墨西哥菜，喜歡佢嘅味道多元化，餡料又夠豐富，所以自己都有Bookmark低唔小墨西哥餐廳。上網見到呢間位於諾士佛臺嘅墨西哥菜有唔少好評，決定過嚟試吓。諾士佛臺一向五光十色，人來人往，有唔少特色多國菜餐廳同酒吧，雖然因為疫情關係沉寂咗一排，但今次再嚟到，已經見到回復昔日嘅喧鬧🍻。餐廳位置並非一上到諾士佛臺就見到，需要經過前面幾間酒吧，入到步行街嘅偏中間位置先會見到。餐廳位於「諾士佛臺6號」嘅大廈，大廈樓上係一間小型酒店，可能因為咁大堂位置比較光猛寧靜，所以當𨋢門到達3樓，聽到非常激昂嘅音樂時，形成相當大嘅反差😂。餐廳整體裝修都幾有特色，牆上面有啲墨西哥風情嘅編織掛飾同掛畫，雖然燈光偏暗，不過同時亦更營造到氣氛。每張枱上面都有盞小燈，可以方便睇餐牌睇得清楚啲。缺點在於樓底較低同埋環境唔算大，坐得較為擠逼，同後面枱會近乎椅背對椅背。值得一提嘅係餐廳亦有室外位置俾客人Shisha同飲嘢，環境仲幾浪漫。🔹𝐓𝐮𝐧𝐚 𝐂𝐞𝐯𝐢𝐜𝐡𝐞($𝟏𝟑𝟖)：叫咗呢款吞拿魚刺身沙律做前菜，沙律菜新鮮，吞拿魚肉質都唔會太霉，上面有啲魚籽粒，醬汁酸酸甜甜帶小小辣，所以都幾開胃。🔹𝐓𝐚𝐜𝐨 𝐜𝐨𝐦𝐛𝐨
餐廳位置並非一上到諾士佛臺就見到，需要經過前面幾間酒吧，入到步行街嘅偏中間位置先會見到。餐廳位於「諾士佛臺6號」嘅大廈，大廈樓上係一間小型酒店，可能因為咁大堂位置比較光猛寧靜，所以當𨋢門到達3樓，聽到非常激昂嘅音樂時，形成相當大嘅反差😂。
餐廳整體裝修都幾有特色，牆上面有啲墨西哥風情嘅編織掛飾同掛畫，雖然燈光偏暗，不過同時亦更營造到氣氛。每張枱上面都有盞小燈，可以方便睇餐牌睇得清楚啲。缺點在於樓底較低同埋環境唔算大，坐得較為擠逼，同後面枱會近乎椅背對椅背。值得一提嘅係餐廳亦有室外位置俾客人Shisha同飲嘢，環境仲幾浪漫。
🔹𝐓𝐮𝐧𝐚 𝐂𝐞𝐯𝐢𝐜𝐡𝐞($𝟏𝟑𝟖)：
叫咗呢款吞拿魚刺身沙律做前菜，沙律菜新鮮，吞拿魚肉質都唔會太霉，上面有啲魚籽粒，醬汁酸酸甜甜帶小小辣，所以都幾開胃。
Tuna Ceviche
$138
17 views
0 likes
0 comments
🔹𝐓𝐚𝐜𝐨 𝐜𝐨𝐦𝐛𝐨 - 𝟓 𝐩𝐢𝐞𝐜𝐞𝐬($𝟏𝟖𝟖)：
佢分別有3份同5份可以揀，我哋分別都揀咗雞魚豬3款5份嚟試。
Taco Combo
$188
13 views
0 likes
0 comments
Taco Combo
$188
21 views
0 likes
0 comments
🔻𝐓𝐚𝐜𝐨 𝐃𝐎𝐍 𝐒𝐀𝐋𝐕𝐀𝐃𝐎𝐑：魚係炸過嘅，炸得偏乾身，配料就有少少紅辣椒絲同埋莎莎醬。
🔻𝐓𝐚𝐜𝐨 𝐄𝐋 𝐒𝐀𝐍𝐓𝐎：豬肉係手撕成一條條上，肉質夠嫩有汁。而Chipotle Sauce同黃椒洋蔥加埋都幾夾。
🔻𝐓𝐚𝐜𝐨 𝐄𝐃𝐃𝐈𝐄 𝐆𝐔𝐄𝐑𝐑𝐄𝐑𝐎：雞同豬食落嘅醬汁味道差唔多，雞肉亦係手撕，但個人喜歡豬肉出嚟嘅口感多過雞肉，因為雞肉就有啲偏嚡口。
其實佢嘅Taco味道配料幾夾，有辣味有酸味，但就係唔夠味道，有啲偏淡，但感覺可能係專登嘅，俾你可以加返佢枱上放嘅幾支墨西哥醬汁。個餅皮就偏厚，食落會感覺到有啲麵粉味道嘅感覺。
Taco Combo
$188
10 views
0 likes
0 comments
🔹𝐓𝐚𝐜𝐨 𝐁𝐨𝐦𝐛($𝟔𝟓)：
呢款無得夾埋其他味道一齊叫，不過睇相就好吸引，所以雖然已經有5份Taco，都再叫多兩份嚟試，但真係喜出望外。餡料好豐富，有鵝肝，拖羅蓉之餘上面仲有舊海膽。配料就有黃椒絲，紅椒碎同埋少少洋蔥，最盞鬼係佢嘅醬汁係沙律醬，睇落好似唔係好啱擺埋一齊，但食落好夾，口感清新😋。餅皮方面，可能因為呢款Taco Bomb嘅餅皮係佢哋自己手造餅皮，食落同上面幾款Taco嘅餅皮真係有所分別，更薄更軟。
Taco Bomb
$65
21 views
0 likes
0 comments
🔹𝐁𝐮𝐫𝐫𝐢𝐭𝐨 - 𝐂𝐡𝐢𝐜𝐤𝐞𝐧($𝟏𝟒𝟖)：
佢分別有牛雞同蔬菜三款揀；米粒係長形米粒，軟硬適中，口感唔錯。裡面嘅餡料就有啲豆泥，芝士雞肉同埋小小辣椒，加上佢嘅醬汁小辣帶酸，幾惹味。
Burrito
$148
23 views
2 likes
0 comments
🔹𝐂𝐡𝐮𝐫𝐫𝐨𝐬($𝟕𝟖)：
好多枱最後都會點呢個，上枱夠熱，外層炸得都幾酥脆亦無油膩感，但就有小小黏牙感，唔夠柔軟。旁邊嘅朱古力醬味道都唔算濃郁，如果朱古力味重返少少就會更美味。
Churros
18 views
0 likes
0 comments
感覺上呢度係幾正宗嘅墨西哥菜餐廳，氣氛唔錯，選擇亦多，不過各款菜式方面份量都唔算好大，如果3-4人Share嘅朋友可能要叫多少少。
Post
