Armani / Aqua (Closed)

結婚週年紀念日，因小朋友前一晚突然生病而計劃全亂，熬夜之後殘曬嘅兩公婆臨時決定揾間餐廳食個lunch當慶祝就算。兩點幾打比餐廳話有枱，就係佢啦。呢間餐廳主打Italian + Japanese Food，於是我同先生決定一人揀浪漫熱情嘅意式，一人食穩妥細緻嘅日餐。正是紅與黑嘅經典組合。食到最後當然要甜甜蜜蜜收場。聽Waiter推薦點著個拼盤，講真，真係中伏，得個靓字。紅絲絨蛋糕緊實粗糙，朱古力Brownie內嵌焦糖粒粒，唔脆又過甜。個Tiramisu同綠茶布丁就算正常，但都唔算出色。唯獨塊牌背後嘅覆盆子，非常鮮甜多汁，力挽狂瀾。總體食物質素都算上乘。服務態度有待提高，其實一開始都幾好，後尾轉左個waiter，影相埋單都非常冷淡唔客氣，禮貌欠奉，少少掃興。不過算啦，身邊有暖心人，哪怕世人冷淡又何妨。