川之源

Open Now

Now Closed

入到餐廳見到有一張大枱，有一班外國人坐埋一枱去食川味辣嘢。 每張枱都有一壺熱茶，畀客人解辣，壺都幾大杯足夠兩人一餐飲用。今日揀咗三大碟辣嘢食 ，包括有水煮魚，酸辣土豆絲，酸辣粉， 全部都揀咗小辣， 另外仲有清湯麵。水煮魚168元魚嘅份量都算多，冇酸味，主要係辣味，眼見 炸好嘅辣椒都已經落咗好多。 另外水煮魚個湯底有少量闊身粗薯粉。酸辣土豆絲58元 土豆絲切到好細條， 好入味 ，酸酸地，估計大概有兩至三隻土豆酸辣粉38元辣油多，食落啲粉滑捋捋。清湯麵38元夠清臨走嘅時候每人又送一碗桂花冰粉， 最佳解辣。