Pudding (Closed)

當日既晚飯好夜先食，但一場黎到大坑，我就算點飽、點頂住個肚，我都要黎試下呢間 pudding，大概兩個星期前特登到訪，點之間鋪原來下午5點鐘先開工做生意！！！唔通甜品鋪真係咁好搵，唔憂做？行到門口正準備入口之際，年青的哥仔 (老闆甪？)已經走出門口介紹，我又點好意思過門以不入，哈哈。店內外的裝修均用上白色及青綠色，朝氣蓬勃，有3或4張白色大檯及掛椅，menu 亦幾有趣，簡單一張卡紙被「拮」起水松板上。哥仔係呢個時候突然拎出部iPhone，原來佢將menu上的各種選擇影左相，方便向客人講解，又幾有趣。最初從雜誌及網上的資料得知此鋪，我仲以為鋪頭只賣吧菲，睇過menu後方知仲有牛奶布丁(噢，我忘記人家個名根本就叫pudding嘛，點會無布丁賣呢？)、朱古力系列同milkshake。既然名物係吧菲，我倆就點左兩個，分別係紅豆同朱古力，落好order後，聽到店員發動雪糕機，數分鐘後就有得食喇！軟雪糕確實軟滑，質感唔錯，紅豆亦算落得多而且淋身又無過甜，唔似有時係快餐廳出品既紅豆冰會食到又硬又有怪味既紅豆，食到落底當然有吧菲不可缺少的粟米片。可惜軟雪糕雖然軟滑，不過缺乏香濃的奶味就連甜味都好似食唔