百味堂 (Closed)

光顧了數次, 試了幾款不同既雪糕, 最愛係新鮮紅豆牛奶雪糕。這款採用濟州的紅豆, 口味與一般市面上的北海道十勝紅豆大大不同。濟州紅豆無日本紅豆那麼甜, 但豆味很香，濃郁很多! 豆的腍道剛好, 唔係煮到爛茸茸那種。雪糕既牛奶味亦很濃,加上紅豆沒有太甜, 整體來說不會很膩,自己一個食完一杯都可以。另外最近新出了手製多士, 好奇之下試了,有點小驚喜。麵包以有機牛奶自家製, 外層烘得頗為香脆。多士屬於厚身, 所以有外脆內軟既口感。當天既無花果醬亦是自製的, 這款果醬比較少見,所以覺得很特別! 果醬不會調配得太甜, 而且有粒粒的無花果茸,配合酥軟既多士口感很好。除了果醬還配合了韓國的牛油, 牛油是雪白色的,口感比一般沒那麼肥膩, 而且味道較淡, 似乎很適合女生。這間店既用料很講究, 多是採用韓國進口既原材料, 而且食品都是手工現製的, 口味更為獨特! 雖然價錢較高, 但仍值得一試!