咖啡弄 (Closed)

去開銅鑼灣，就緊係要來呢度朝聖下。雖然開左好耐，但一直都聽人話要排隊，所以依家先來。今日紅雨，我諗應該少人啲掛 11點50分左右去到，見有人排隊。無幾耐就開始安排入座，好在我地都入到 入面環境幾好，好舒服，唔迫！侍應有啲係台灣人，唔識講講東話的。得90分鐘用餐時間，我地好快手就揀好食物。我唔鍾意食草莓，所以無揀推介的草莓鬆餅。係焦糖同芝麻兩者之間，選了後者。第一嚿都覺得ok, 有外脆內軟的感覺。加埋芝麻雪糕，好正 但第二嚿可能凍左，已經唔好食。而且碟野仲有嚿栗子蓉，好甜，放棄了！水果茶係搵橙汁冲的，不是茶！飲第一啖有啲酸，飲飲下就習慣了。黃金磚我見佢寫限量，所以就order左。千層的，外面好膽，裡面凍凍的，幾好食！食完兩樣甜品就飽了，但我覺得我地叫錯野！見到隔離的咸食，全部都好似好好食咁，好後悔無叫到三文治或者牛角包 為有下次再試過 之後我地坐到夠晒鐘都無趕我地走👍🏻，不過我地都自覺交枱，因為出面仲有人排緊隊！