金龍冰室 (Closed)

紅色暴雨下入來金龍避下雨，順道食個下午茶。這間冰室用了湖水藍做主色，感覺好舒服。本餐牌好厚，選擇好多。但再多的選擇，我都是鐘情公司三文治，因為份量夠大，餡料豐富，有煎蛋、火腿、生菜、芝士、午餐肉和番茄等配上沙律醬而成，麵包仲要烘底，這裡的三文治完全達到我的要求，賣相仲相當精美，下午茶只需$38，仲有餐飲。另外點了一個瑞士雞翼湯公仔麵茶餐，加$3 仲可以轉蕃茄湯底，瑞士雞翼入味淋身配上3.6北海道牛乳炒蛋及厚多士，唔要炒蛋或厚多士都仲可以有好多選擇，最後我要了炒蛋白。餐飲加$2 還可以試到新品-薑味奶茶，好夠薑，幾特別。